Azərbaycan karateçiləri 22-24 Aprel tarixlərində mövsümün ikinci Karate1 Premyer Liqa turnirində iştirak etmək üçün Portuqaliyanın Matasinhos şəhərinə yollanıb. Azərbaycan Milli Karate Federasiyasının prezideti Yaşar Bəlirovun rəhbərlik etdiyi heyətdə 15 idmançı yer alıb.
Kişilərdən ibarət milli komandanın baş məşqçisi Qurban Qurbanov, böyük məşqçilər Şahin Xudaverdiyev və Rəşad Hüseynov əsul yarışda Əminağa Quliyev, Sultan Hüseynov, Hüseyn Məmmədli (hər üçü -60 kq), Tural Ağalarzadə, Rafiz Həsənov (hər ikisi -67 kq), Fərid Ağayev (-75 kq), Pənah Hüseynov, Turqut Həsənov (hər ikisi -84 kq), Asiman Qurbanlı və Osman Osmanlıya (hər iksi 84+ kq) üstünlük verib.
Qadınların baş məşqçisi Denis Morozov isə Mədinə Sadiqova (-50 kq), İlahə Qasımova (-55 kq), Ayla Rzazadə (-61 kq) və İrina Zaretskanı (-68 kq) müşayiət edəcək. Beynəlxalq hakimlərdən Cahamgir Babayev və Vüqar Kərimov yarışın referiləri arasında olacaq. Matasinhosda Karate1 Premyer Liqa turnirinə 58 ölkədən 351 idmançı qatılacaq.
Media və İctimaiyyətlə işlər katibi Sənan Məhərrəmov